Mobil telefonlar bahalaşacaq? – Ekspert açıqladı

Mobil telefonlar bahalaşacaq? – Ekspert açıqladı
Mobil cihazların qeydiyyata alınmasına görə 2018-ci il üçün dövlət rüsumlarının məbləğləri açıqlanıb. 

Minval.İnfo xəbər verir ki, "Mobil cihazların qeydiyyata alınmasına görə 2018-ci il üçün dövlət rüsumunun məbləğləri”nin təsdiq edilməsi barədə qərar qəbul olunub.

Qərara görə, foto, videoçəkiliş və internetə çıxış funksiyaları olmayan mobil cihazların qeydiyyata alınmasına görə 20 manat dövlət rüsumu ödənilir və mobil cihazın bazar qiyməti 100 ABŞ dollarından çox olmadıqda tətbiq olunur.

Azərbaycan Respublikası Nəqliyyat, Rabitə və Yüksək Texnologiyalar Nazirliyinin rəsmi internet saytında marka və modeli, habelə bazar qiyməti yerləşdirilməyən mobil cihazların qeydiyyata alınmasına görə 20 manat dövlət rüsumu ödənilir.
Qeyd edək ki, indiyədək bazar qiymətindən asılı olmayaraq, mobil cihazların qeydiyyata alınmasına görə 5 manat dövlət rüsumu ödənilirdi.

Bu qərardan sonra bəzi vətəndaşlar mağazalarda satılan telefonların da bahalaşacağı düşüncəsi ilə narahat olublar. Yeni qərar həqiqətən buna təsir edə bilərmi? Bu məsələ ilə bağlı iqtisadçı-ekspert Natiq Cəfərlinin fikirlərini öyrəndik. Ekspert bildirdi ki, bu qərar sadəcə fiziki şəxslərə şamil olunur:

"Qərara nəzər saldıqda görəcəyik ki, sözügedən qərar ölkəyə telefon gətirən fiziki şəxlərə şamil olunub. Ölkəyə telefon gətirən fiziki şəxs bazar qiyməti 100 ABŞ dollarına qədər olduqda – 30 manat; bazar qiyməti 101 ABŞ dollarından 200 ABŞ dollarına qədər olduqda – 50 manat; bazar qiyməti 201 ABŞ dollarından 400 ABŞ dollarına qədər olduqda –60 manat; bazar qiyməti 401 ABŞ dollarından 700 ABŞ dollarına qədər olduqda –70 manat; bazar qiyməti 701 ABŞ dollarından 1 000 ABŞ dollarına qədər olduqda – 100 manat; bazar qiyməti 1001 ABŞ dollarından yuxarı olduqda – 150 manat rüsum ödəməlidir. Yeni, rüsumun dəyərlərinə baxdıqda görəcəyik ki, qiymətlər minimum 6 dəfə, maxsimum 30 dəfə bahalaşıb. Bu da bu işlə məşğul olan fiziki şəxslərin işini çətinləşdirəcək. Lakin bu qərar hüquqi şəxslərə şamil olunmur. Telefon biznesi ilə məşğul olan böyük şirkətlər, rəsmi dilerlərə bu qərar təsir etməyəcək. Bu, telefon biznesi ilə məşğul olan fiziki şəxslərin bazardan sıxışdırıb çıxarılmasına gətirib çıxaracaq”.
Загрузка...

Xəbər lenti