Eldəniz Əzizli Azərbaycana dünya çempionatında ilk medalı qazandırdı

Eldəniz Əzizli Azərbaycana dünya çempionatında ilk medalı qazandırdı
Qazaxıstanın paytaxtı Nur-Sultanda keçirilən güləş üzrə dünya çempionatında Azərbaycan yığması ilk medalını qazanıb.

Oxu.Az xəbər verir ki, ötən ilin dünya və Avropa çempionu Eldəniz Əzizli (-55 kq) bürünc medal uğrunda görüşdə amerikalı Maks Nuri ilə qarşılaşıb.

İdmançımız rəqibinə 8:0 hesabı ilə qalib gəlib. Bu bürünc medalla Eldəniz Əzizli Tokio Olimpiadasına vəsiqə qazanıb.

Bu gün qeyri-Olimpiya çəkisində Rafiq Hüseynov (-82 kq) da final görüşünə çıxacaq.

Qeyd edək ki, bu gün dünya çempionumuz Rəsul Çunayev (-67 kq) də mübarizəyə qoşulub. Lakin tanınmış idmançımız macar rəqibinə 8:0 qalib gəlsə də, cənubi koreyalı güləşçiyə 1:2 hesabı ilə uduzaraq mübarizəni dayandırıb.

loading...

Xəbər lenti