“Azərxalça” müflis elan olunmaq istəyir: yarım milyona yaxın borcu var

“Azərxalça” müflis elan olunmaq istəyir: yarım milyona yaxın borcu var
"Azərxalça” Elmi Yaradıcılıq İstehsalat Birliyi müflis elan olunması, iflas prosesinə başlanması üçün məhkəməyə müraciət edib. Lakin 1 saylı Bakı İnzibati-İqtisadi Məhkəməsi onun ərizəsini geri qaytarıb.

Bizimyol.info xəbər verir ki, "Azərxalça” iddia ərizəsində 405 min manat borcu olduğunu göstərib. Bunun da təxminən 17 min manatı vergi, 72 mini isə sosial sığorta ödənişi borcudur. Qalan hissəsinin isə müxtəlif banklardan götürülmüş kredit borcları olduğu bildirilir.

Lakin iddia ərizəsində hansı banka nə qədər kredit borcu olması konkret göstərilməyib.

Avqustun 7-də məhkəmə qərar verib ki, iddia ərizəsi qanunun tələblərinə uyğun tərtib olunmayıb, bu üzdən geri qaytarılır.

loading...

Xəbər lenti